لوګر ولایت کې د افغان ټیلیکام له لوري د نوري فایبر اف ټي ټي اچ انټرنیټ پروژه پلي کیږي

د مخابراتو او معلوماتي ټکنالوجۍ وزارت د محترم مقام له لوري د لوګر ولایت د مرکز پل علم  او شپږو ولسوالیو لپاره د اف تی تی اچ  (انټرنیټ تر کوره پورې د نوري فایبر پروژه منظوره شوه.

یاده پروژه د (۱۱۷۸۱) مترو په اوږدوالي لوګر ولایت د پل علم ښار په لومړۍ، دویمې، دریمې، څلورمې، پنځمې او شپږمې ناحیو کې د افغان ټیلیکام مخابراتي شرکت له لوري پلې کیږي.

د دې پروژې په پلي کیدو سره به د لوګر ولایت په پل علم ښار کې د انټرنیټي خدمتونو په کیفیت کې د پام وړ ښه والی رامنځته شي او همداراز ترڅنګ یې به د انټرنېټ بیې راټیټې شي او د لوګر ولایت د مرکز اړوند محترم اوسيدونکي وکولای شي د انټرنیټ سره د خپلو کورونو د نښلولو له امله د لوړ کیفیت انټرنیټ څخه په ټیټه بیه ګټه واخلي. او خپلې مخابراتي او انټرنیټې ستونزې هوارې کړي.

د یادولو وړ ده چې د لوګر ولایت د مخابراتو او معلوماتي ټکنالوجۍ ریاست تل هڅه کوي چې د نوموړي ولایت ولسوالۍ هم د نوري فایبر له کیبل سره ونښلوي.