د پوهنې اصلاحاتو په ملي سمپوزیم کې، د مخابراتو او معلوماتي ټکنالوژۍ سرپرست وزیر ګډون:

Author image
enayat_admin
دوشنبه ۱۳۹۸/۱۰/۱۶ - ۱۶:۵
وزیر

 

 

د مخابراتو او معلوماتي ټکنالوژۍ سرپرست وزیر محمد فهیم هاشمي، نن دوشنبه د ۱۳۹۸ کال د مرغومې میاشتې۱۶ نېټه، «د غوره اصلاحاتو- او پرمختللی معارف» تر شعار لاندې، د پوهنې وزارت په ملي سمپوزیم غونده کې ګډون وکړ.

دغه غونډه، د پوهنې وزارت مشرتابه هییت، یو شمېر لوړپوړو دولتی چارواکو او کابینې ځینو وزیرانو په ګډون، د پوهنې وزارت وظیفوی جوړښ بیا کتنې او څار په موخه جوړه شوې وه.

د غونډې په پیل کې، د پوهنې وزارت سرپرست وزیر ډاکتر محمد میرویس بلخی، د هیواد ښوونې او روزنې بهبود او معیاریتوب ته په اشارې سره وویل: «په دغه وزارت کې د کار له پیله څېړنو او ارزونو درې مهم لومړیتوبونه رامخته کړل.»

د هغه په وینا: « له تخصصي پلوه وازت پر یوه سالمه اداره بدلول، د وزارت جوړښتي برخه کې د اصلاح او سموونې تګلارې بشپړول او د اسنادو پلې کولو ډولونه، هغه درې سترې موخې دي چې د پوهنې وزارت له لومړیتوبونو څخه شمېرل کیږي.»

په ورته وخت کې، د مخابراتو او معلوماتي ټکنالوژۍ سرپرست وزیر محمد فهیم هاشمی، په غونډه کې د جوړ شوي سمپوزیم د ارزښتونو په اړه خبري وکړې او زیاته یې کړه:« اړینه ده، څو ټولنې ته داسې زده کوونکې وړاندې کړو، چې له راتلونکې ډیجیټلي ټولنې سره توافق وکړای شي.»

ښاغلي هاشمی ټینګار وکړ: «په نیږدې راتلونکې کې به د هیواد په کچه شاوخوا زر ښوونځي انټرنیټ اسانتیاوو ته لاسرسی ولري.»

بل خوا په دغه سمپوزیم کې د اداري اصلاحاتو او ملکي خدمتونو کمیسیون عمومي رییس محمد نادر نادري، په پوهنې وزارت کې د جوړښتي او وظیفوي اصلاحاتو په برخه کې د یاد کمیسیون له هر اړخیز ملاتړ څخه ډاډ ورکړ.

په غونده کې، د بشري حقونو په برخه کې د دولت وزیري سیما ثمر هم له حقوقي اړخه ټولو هیوادوالو ته د زده کړو اسانتیاوو برابرولو پر مکلفیت د ټینګار تر څنګ زیاته کړه،« دا ډول سمپوزیم جوړول د پوهنې پر برخه کې اغېزمنتیا او اصلاحاتو ته لاره هواوروي، چې مونږ یې هرکلی کوو.»

وزیر

 

تازه خبرونه

دوشنبه ۱۳۹۹/۸/۵ - ۱۵:۳۸
Background image

د مخابراتو او معلوماتي ټکنالوجۍ وزارت مشرتابه د نړیوال بانک له مسئولینو سره د ډیجیټل کاسا پروژې کار ګړندي کولو په ‏اړه آنلاین ناسته وکړه

د مخابراتو او معلوماتي ټکنالوجۍ وزارت سرپرستې آغلې معصومه خاوري په نړیوال بانک کې د ډیجیټل کاسا پروژې...

دوشنبه ۱۳۹۹/۸/۵ - ۱۵:۲۳
Background image

د ولسي جرګې د مالي او بودیجې کمیسیون په غونډه کې د آغلي معصومه خاوري او ورسره تخنیکی تیم ګډون

د مخابراتو او معلوماتي ټکنالوجۍ وزارت سرپرستي او نوماندې آغلي معصومې خاوري نن یک شنبي...

سه‌شنبه ۱۳۹۹/۷/۲۹ - ۱۷:۱۷
Background image

د مخابراتي شبکو محصولاتو ویشونکو اتحادیې د پرانیستې په مراسمو کې د آغلې خاوري ګډون او ‏وینا

د مخابراتو او معلوماتي ټکنالوجۍ وزارت سرپرستې آغلې معصومه خاوري نن سه شنبه...

بېرته خبرونه ته