د هر Mb انټرنټ څخه باید خلکو ته حساب ورکول شي!

Alireza Khaliqyar
دوشنبه ۱۳۹۸/۴/۲۴ - ۱۰:۴۶

https://mcit.gov.af/ps/%D8%AF-%D9%87%D8%B1-mb-%D8%A7%D9%86%D9%BC%D8%B1%D9%86%D9%BC-%DA%85%D8%AE%D9%87-%D8%A8%D8%A7%DB%8C%D8%AF-%D8%AE%D9%84%DA%A9%D9%88-%D8%AA%D9%87-%D8%AD%D8%B3%D8%A7%D8%A8-%D9%88%D8%B1%DA%A9%D9%88%D9%84-%D8%B4%D9%8A

د مخابراتو او معلوماتي ټکنالوجۍ وزارت سرپرست محترم محمد فهيم هاشمي د افغان ټېلې کام مخابراتي شرکت د نوري فايبر او انټرنېټ د توزیع برخې څخه د لیدنې تر څنګ اړوندو مسؤولينو ته لارښوونه وکړه چې د انټرنټ خدماتو د عرضې په برخه کې دقیق و اوسي او حتی د خلکو د يوې افغانۍ په اندازه انټرنټ هم ضایع نه شي.

ښاغلي هاشمی زیاته کړه چې افغان ټېلې کام شرکت د انټرنټ د عرضه کوونکي په توګه باید د خلکو د هر Mb انټرنټ څخه حساب ورکړي او د انټرنټ د وېش مديریتي سیسټم په نړېوالو معيارونو برابر کړي.

ښاغلي هاشمي زیاته کړه چې هر پېرودونکي ته باید د اخیستل شوي انټرنټ اندازه پوره ورسېږي او په دې برخه کې يې له اړوندو مسؤولينو د تفصیلي راپور او د انټرنټ د وېش د اندازې د جدي ارزونې غوښتنه وکړه.