د موټر چلولو ځیرک اجازه لیک، یا لایسنس د وېش لړۍ پیل شوه

ashiq_admin
سه‌شنبه ۱۳۹۸/۶/۱۲ - ۱۱:۴۶
روند توزیع جواز رانندگی هوشمند آغاز شد

د مخابراتو او معلوماتي ټکنالوژۍ سرپرست وزیر محمد فهیم هاشمي، نن شنبه د وږې میاشتې نهمه نېټه د موټر چلولو برېښنايي یا ځيرک لایسنس د وېش ازمایښتي لړۍ پرانیسته:
د پرانیستې په دغه مراسمو کې، د مخابراتو سرپرست وزیر سربېره، د ترانسپورت سرپرست وزیر یما یاري، د مخابراتو وزارت مالي او اداري معین ډاکټر هادي هدایتي، او د ترافیکو عمومي رییس داود چکري ګډون کړی وو.
ښاغلي هاشمی د پرانیستې مراسمو په پیل کې، دغه لړۍ د افغانانو له پاره یو بل تاریخي ګام وباله او زیاته یې کړه، چې د الکترونیکي لایسنس وېش له ځيرک تذکرو وروسته د برېښنايي حکومتولۍ او پرمختګ پر لور دوهم ستر ګام دی.
د نوموړي په وینا، د ځېرک لایسنس وېش به د فساد په مخنیوي او له ترې ګټه اخیستنه به یې د برېښنايي حکومتولۍ په برخه کې زیاته مرسته وکړي.

Beginning pilot distribution process of electronic driving license

ښاغلي هاشمي هیله څرګنده کړه، چې نورې دولتي ادارې هم ورته اقدام وکړي، څو د حج کارتونه او د افغانانو وېزې هم برېښنايي شي.
د ترانسپورت سرپرست وزیر یما یاري په دغه مراسمو کې وویل، ترانسپورت وزارت په خپل ټول توان سره د موټر چلولو جواز په برېښنايي کېدو کې هڅه کړې او له زیاتو ننګونو سره سره دغه لړۍ په ښه توګه روانه ده.
نوموړي د ځیرک لایسنس وېش د حکومتي ادارو تر مېنځ د ښې همغږۍ مثال وباله او زیاته یې کړه، دغه لړۍ به د یوه مشخص مهال وېش په اساس پر مخ لاړه شي.
په دغه مراسمو کې محمد فهیم هاشمي او یما یاري، د بېلګې په ډول د موټر چلولو ځیرک لایسنس تر لاسه کولو په موخه خپل نومونه ثبت کړل.
د یادونې وړ ده، چې د کابل مرکزي چاپ خونه د برېښنايي لایسنس د چاپ مسوولیت پر غاړه لري.

تازه خبرونه

چهارشنبه ۱۳۹۸/۶/۲۷ - ۸:۵۹
Background image

په هیواد کې د ترانسپورتي خدمتونو د الکترونیکې کیدو په پار، د مخابراتو او ترانسپورت وزارتونو تر مېنځ هوکړه لیک لاسلیک شو.

نن سه شنبه د وږې میاشتې شپږ ویشتمه نېټه، د مخابراتو سرپرست وزیر محمد فهیم هاشمي او ترانسپورت وزیر یما یاري تر مېنځ، د ترانسپورتي خدمتونو او ترافیکي اسانتیاوو د برېښنايي کېدو په موخه. . .

سه‌شنبه ۱۳۹۸/۶/۱۲ - ۱۱:۴۶
Background image

د موټر چلولو ځیرک اجازه لیک، یا لایسنس د وېش لړۍ پیل شوه

د مخابراتو او معلوماتي ټکنالوژۍ سرپرست وزیر محمد فهیم هاشمي، نن شنبه د وږې میاشتې نهمه نېټه د موټر چلولو برېښنايي یا ځيرک لایسنس د وېش ازمایښتي لړۍ پرانیسته:
د پرانیستې په دغه مراسمو کې. . .

چهارشنبه ۱۳۹۸/۶/۶ - ۱۵:۴۱
Background image

د مخابراتو او معلوماتي ټکنالوجۍ سرپرست وزیرد افغان بیسیم شرکت له عمومي رییس احسان الله بیات سره ولیدل

د مخابراتو سرپرست وزیر محمد فهیم هاشمي، نن چهارشنبه د وږي میاشتې شپږمه نېټه د افغان بیسیم له عمومي رییس احسان الله بیات سره یوه ځانګړې ناسته لرله.
په دغه لیدنه کې، ښاغلي هاشمي له. . .

بېرته خبرونه ته