د معلولو اشخاصو او شهیدانو د وارثینو څخه د ملاتړ هوکړه لیک
سهشنبه ۱۳۹۸/۴/۴ - ۱۱:۴۴
د مخابراتو او معلوماتي ټکنالوجۍ وزارت د شهیدانو وارثینو او معلولو اشخاصو د ستونزو او اړتیاوو د حل په موخه د شهیدانو د وارثینو او معلولینو په چارو کې د دولت وزارت سره د همکاری هوکړه لیک لاسلیک کړ.
دغه هوکړه لیک چې موخه یې د معلولیت لرونکو وګړو او د شهیدانو د وارثینو د ستونزو حل، کارموندنه، بیا رغونه، او دوي ته د اسانتیاوو برابرول او د ښو خدمتونو وړاندې کول دي د مخابراتو او معلوماتي ټکنالوجۍ وزارت د مالي او اداري مرستیال ښاغلي ډاکټر هادی هدایتي لخوا د ملي وحدت حکومت د اجراییه رئیس جلالتماب عبدالله عبدالله په حضور کې لاسلیک شو..
د یادونې وړ ده چې تراوسمهاله د همکاری دا ډول تفاهمنامې د هیواد 29 وزارتونو او دولتي ادارو لخوا لاسلیک شوي دي.
اړوندې ادارې مکلفې دي چې د دغه هوکړه لیک مقررې عملي کړي او معلولو هیوادوالو او د شهیدانو وارثینو ته مناسب او مساوي فرصتونه چمتو کړي.
