د مخابراتو او نوری فایبر په برخه کې د خصوصي سکټور د پانګونې ملاتړ
Alireza Khaliqyar
چهارشنبه ۱۳۹۸/۳/۲۲ - ۱۱:۳۸
چهارشنبه ۱۳۹۸/۳/۲۲ - ۱۱:۳۸
د مخابراتو او معلوماتي ټکنالوجۍ وزارت سرپرست محترم محمد فهيم هاشمي نن د خپل کار په دفتر کې د MTN مخابراتي شرکت د مسؤولينو سره د لیدنې ترڅنګ، د هغوی د راتلونکو پروګرامونو، د مخابراتي او انټرنټي خدماتو د بهبود او پراختيا په اړه خبرې وکړې.
محترم محمد فهيم هاشمي همدا راز په افغانستان کې د نوری فایبر شبکې او د خدماتو د پراختيا په برخه کې ددوی د پانګونې ملاتړ وکړ.
د مخابراتو او معلوماتي ټکنالوجۍ وزارت د MTN مخابراتي شرکت د پانګونې د ملاتړ تر څنګ ټولو خصوصي شرکتونه ته زمینه برابره کړې چې د open Access policy له لارې د نوری فایبر په برخه کې پانګونه وکړي او خپل مخابراتي او انټرنټي خدماتو ته پراختيا ورکړي.
