د مخابراتو او معلوماتي ټکنالوجۍ وزیر د چین ـ افغانستان ګډ پُستي ټکټ په نندارتون کې ګډون وکړ
سهشنبه ۱۳۹۷/۷/۱۷ - ۹:۳۶
د افغانستان د مخابراتو او معلوماتي ټکنالوجۍ وزیر محترم شهزاد آريوبي د ۱۳۹۷ کال د تلې میاشتې په ۱۷ مه نيټه د چین او افغانستان ګډ پستی ټکټ په نندارتون کې چې د پُست د نړیوالې ورځې د نمانځنې په موخه پد چین د سفارت او د مخابراتو وزارت په همکارۍ د یاد سفارت په ودانۍ کې جوړ شوې و، ګډون وکړ.
د مخابراتو او معلوماتي ټکنالوجۍ وزیر ښاغلي شهزاد اريوبي په خپلو خبرو کې د دوست هیواد چین له مرستو مننه وکړه او غوښتنه يې وکړه چې د افغانستان د پُستي خدماتو په پراختیا، سمون او وده کې له مخابراتو وزارت سره خپلو همکاریو ته دوام ورکړي.
ښاغلي اریوبي زیاته کړه د چین هیواد سره ددوستۍ په پار، د هیواد د خپلواکۍ د سلمې کلیزې او د چین هیواد د اویایمې کلیزې د ملي ورځی په پار په پام کې لري چې د مخابراتو او معلوماتي ټیکنالوجۍ وزارت د افغان پوسټ ریاست لخوا ګډ پستي مهر چاپ کړي.
