د مخابراتو او معلوماتي ټکنالوجۍ وزیر د ارزګان والي سره ولیدل

Alireza Khaliqyar
دوشنبه ۱۳۹۸/۴/۱۷ - ۱۶:۱۷

https://mcit.gov.af/ps/%D8%AF-%D9%85%D8%AE%D8%A7%D8%A8%D8%B1%D8%A7%D8%AA%D9%88-%D8%A7%D9%88-%D9%85%D8%B9%D9%84%D9%88%D9%85%D8%A7%D8%AA%D9%8A-%D9%BC%DA%A9%D9%86%D8%A7%D9%84%D9%88%D8%AC%DB%8D-%D9%88%D8%B2%DB%8C%D8%B1-%D8%AF-%D8%A7%D8%B1%D8%B2%DA%AB%D8%A7%D9%86-%D9%88%D8%A7%D9%84%D9%8A-%D8%B3%D8%B1%D9%87-%D9%88%D9%84%DB%8C%D8%AF%D9%84

د مخابراتو او معلوماتي ټکنالوجې سرپرست وزیر ښاغلي محمد فهیم هاشمي د ارزګان ولایت له والي ښاغلی محمد شفیق اسدالله سعید سره وکتل او د مخابراتي خدمتونو، د انټرنټ او نوري فایبر شبکې د پراختیا په اړه یې د خلکو ستونزې واوریدلې.

د ارزګان والي ښاغلي محمد شفیق اسدالله سعید په ارزګان ولایت کې د مخابراتي خدمتونو برخه کې د خلکو د ستونزو په اړه پوره معلومات وړاندې کړل او په دغه ولایت کې د نوري فایبر شبکې او  د خصوصي شرکتونو د 3G مخابراتي خدمتونو د پراختیا غوښتنه وکړه.

وروسته بیا ښاغلي محمد فهیم هاشمي اړونده چارواکو ته لارښوونه وکړه چې د مخابراتي خدمتونو په برخه کې د ارزګان ولایت د خلکو ستونزې ژر تر ژره حل کړي او د مطالعې او ارزونې وروسته د سلام مخابراتي شبکې اوسنۍ ظرفیت لوړ کړي.