د مخابراتو او معلوماتي ټکنالوجۍ وزیر د ارزګان والي سره ولیدل
Alireza Khaliqyar
دوشنبه ۱۳۹۸/۴/۱۷ - ۱۶:۱۷
دوشنبه ۱۳۹۸/۴/۱۷ - ۱۶:۱۷
د مخابراتو او معلوماتي ټکنالوجې سرپرست وزیر ښاغلي محمد فهیم هاشمي د ارزګان ولایت له والي ښاغلی محمد شفیق اسدالله سعید سره وکتل او د مخابراتي خدمتونو، د انټرنټ او نوري فایبر شبکې د پراختیا په اړه یې د خلکو ستونزې واوریدلې.
د ارزګان والي ښاغلي محمد شفیق اسدالله سعید په ارزګان ولایت کې د مخابراتي خدمتونو برخه کې د خلکو د ستونزو په اړه پوره معلومات وړاندې کړل او په دغه ولایت کې د نوري فایبر شبکې او د خصوصي شرکتونو د 3G مخابراتي خدمتونو د پراختیا غوښتنه وکړه.
وروسته بیا ښاغلي محمد فهیم هاشمي اړونده چارواکو ته لارښوونه وکړه چې د مخابراتي خدمتونو په برخه کې د ارزګان ولایت د خلکو ستونزې ژر تر ژره حل کړي او د مطالعې او ارزونې وروسته د سلام مخابراتي شبکې اوسنۍ ظرفیت لوړ کړي.
