د مخابراتو او معلوماتي ټکنالوجۍ وزارت سرپرست محترم محمد فهيم هاشمي د افغان ټېلې کام مخابراتي شرکت مسؤولينو سره لیدنه وکړه.

Alireza Khaliqyar
سه‌شنبه ۱۳۹۸/۳/۲۸ - ۱۸:۲

https://mcit.gov.af/ps/%D8%AF-%D9%85%D8%AE%D8%A7%D8%A8%D8%B1%D8%A7%D8%AA%D9%88-%D8%A7%D9%88-%D9%85%D8%B9%D9%84%D9%88%D9%85%D8%A7%D8%AA%D9%8A-%D9%BC%DA%A9%D9%86%D8%A7%D9%84%D9%88%D8%AC%DB%8D-%D9%88%D8%B2%D8%A7%D8%B1%D8%AA-%D8%B3%D8%B1%D9%BE%D8%B1%D8%B3%D8%AA-%D9%85%D8%AD%D8%AA%D8%B1%D9%85-%D9%85%D8%AD%D9%85%D8%AF-%D9%81%D9%87%D9%8A%D9%85-%D9%87%D8%A7%D8%B4%D9%85%D9%8A-%D8%AF-%D8%A7%D9%81%D8%BA%D8%A7%D9%86-%D9%BC%DB%90%D9%84%DB%90-%DA%A9%D8%A7%D9%85-%D9%85%D8%AE%D8%A7%D8%A8%D8%B1%D8%A7%D8%AA%D9%8A-%D8%B4%D8%B1%DA%A9%D8%AA

د مخابراتو او معلوماتي ټکنالوجۍ وزارت سرپرست محترم محمد فهيم هاشمي نن د افغان ټېلې کام مخابراتي شرکت مسؤولينو سره ددغه شرکت د مالي وضعيت، راتلونکو پلانونو په اړه بحث او خبرې وکړې او ټينګار يې وکړ چې د شرکت لګښتونه را کم او په راتلونکو پلانونو کې د ظرفيت لوړونې لپاره ګامونه پورته شي.

د مخابراتو او معلوماتي ټکنالوجۍ وزارت سرپرست همدا راز د انټرنېټ د بيو کمولو، د سلام شبکې ظرفيت لوړولو او همدا راز د متوازنو خدماتو د وړاندې کولو په موخه د خپلو لارښوونو په دوام، د افغان ټېلې کام مخابراتي شرکت مسؤولينو ته لازمې لارښوونې وکړې.

ښاغلي محمد فهيم هاشمي زیاته کړه چې د مخابراتو او معلوماتي ټکنالوجۍ وزارت پخه اراده لري چې د انټرنېټي خدماتو وړاندې کوونکو شرکتونو سره همغږي وکړي او د ISP شرکتونو ته د انټرنېټ بيې را کمې کړي، په دې شرط چې مشتريانو ته تخفیف ورسېږي.

محترم هاشمي د افغان ټېلې کام مخابراتي شرکت مسؤولينو ته لارښوونه وکړه چې د اترا ادارې او انټرنتي وړاندې کوونکو شرکتونو سره هوکړې ته ورسېږي او هر څومره ژر چې کېږي، د بيو د کمښت کړنلاره تطبیق کړي.