د مخابراتو او معلوماتي ټکنالوجۍ وزارت د رهبري پلاوي ناسته وشوه
د مخابراتو او معلوماتي ټکنالوجۍ وزارت د رهبري پلاوي ناسته د یاد وزارت د وزیر محترم الحاج مولوي صاحب نجیب الله حقاني په مشرۍ ترسره شوه.
یاده ناسته کې د ګڼو ریاستونو د کارونو چمتو شوي ګزارشونه واورېدل شول او همدا رنګه ټولو ریاستونو ته په کارونو کې د چټکتیا سپارښتنه وشوه.
همدا راز دغې ناسته کې د مخابراتي او پوسټي خدمتونو د دقیقو احصایوي ارقامو د راټولونې پر سیسټم هم خبرې وشوې او اړونده برخو ته یې د جوړونې لازمې سپارښتنې وشوې.
د مخابراتو او معلوماتي ټکنالوجۍ وزارت وزیر محترم الحاج مولوي صاحب نجیب الله حقاني د وزارت ټولو کارکوونکو ته پر وخت دندو ته د راتګ او پر وخت د خلکو د ستونزو پر حلولو ټینګار وکړ .
د مخابراتو او معلوماتي ټکنالوجۍ وزارت د رهبري پلاوي ناسته اوونۍ کې یو ځل د وزارت له مشرتابه هیأت سره ترسره کېږي په دغو ناستو کې د وزارت کړنې ارزول کېږي او د چارو د لا ښه پرمختګ په موخه پکې پر لارو چارو غور کېږي.
