د مخابراتو او معلوماتي ټکنالوجۍ وزارت د رهبري پلاوي غونډه ترسره شوه
د مخابراتو او معلوماتي ټکنالوجۍ وزارت رهبري پلاوي مجلس د یاد وزارت د سرپرست وزیر محترم الحاج مولوي نجیب الله حیات حقاني په مشرۍ ترسره شوه او د اجنډا مطابق په موضوعاتو بحث وشو.
د مخابراتو او معلوماتي ټکنالوجۍ وزارت د رهبري پلاوي غونډه کې د بیلابیلو ریاستونو له کړنو ارزونه وشوه او ګزارشونه یې واورېدل شول او همداراز ټینګار وشو چې ټول ریاستونه باید خپلې چارې ګړندۍ او د پلان له مخې سر ته ورسوي او همدا راز ټینګار وشو چې اړونده ریاستونه باید د خپلو چارو پر مخ بیولو وخت کې پراخه همغږي ولري.
یادې غونډه کې په هېواد کې د پوسټي خدمتونو د شرکتونو اړوند راپور چې د پوسټي خدمتونو د تنظیم ادارې (اپرا) ریاست له محترم رییس او اړوندې کمېټې څخه واورېدل شو، دوی ته دنده سپارل شوې وه څو هېواد کې پوسټي مارکېټ تحلیل او د شته پوسټي شرکتونو ارزونه هم وکړي او همدا راز یاده کمېټه باید د بازار مطابق نويو جواز غوښتونکو پوستي شرکتونوته چې شرایط یې پوره کړي وي د جواز اسانتیاوې برابرې کړي.
همداراز په یاده غونډه کې د پوستي خدمتونو د تنظیم ادارې (اپرا) او د پوستي مارکیټ دتحلیل او څارنې کمېټې د راپور د ارزونې پر بنسټ ، د پوستي خدمتونو د شرکتونو له ناخالصو عوایدو څخه ۱۱ سلنه د پوستي خدمتونو کلنی فیس د ترلاسه کولو وړاندیز تائید شو، اود آپرا ریاست ته دنده وسپارل شوه چې د پورتنۍ موضوع په اړه دافغانستان د اسلامي امارت د ریاست الوزرا محترم لوړ مقام ته د منظوری وړاندیز ترتیب او وړاندې کړي
د اپرا ریاست د راپور په اساس هېواد کې ټولټال تر دې دمه ۱۱ پوسټي شرکتونه فعالیت لري چې ۷ شرکتونو خپل جوازونه تمدید کړي او ۴ نورو شرکتونو د تمدید چارې روانې دي همدا راز د پوسټي خدمتونو د تنظیم ادارې (اپرا)د معلوماتو له مخې او هېواد کې د پوسټي مارکېټ د غوښتنې په اساس ځینو نویو هغو پوسټي شرکتونو ته به هم پوسټي جوازونه ورکړل شي چې د مخابراتو او معلوماتي ټکنالوجۍ وزارت د اپرا ریاست شرایط یې پوره کړي وي.
