د مخابراتو او معلوماتي ټکنالوجۍ وزارت د رهبري پلاوي غونډه ترسره شوه
د مخابراتو او معلوماتي ټکنالوجۍ وزارت رهبري پلاوي مجلس د یاد وزارت وزیر محترم الحاج مولوي نجیب الله حیات حقاني په مشرۍ ترسره شو او د اجنډا مطابق په موضوعاتو بحث وشو.
د مخابراتو او معلوماتي ټکنالوجۍ وزارت د رهبري پلاوي غونډه کې د بیلابیلو ریاستونو له کړنو ارزونه وشوه او راپورونه یې واورېدل شول او همدا راز ټینګار وشو چې ټول ریاستونه باید خپلې چارې ګړندۍ او د پلان له مخې سر ته ورسوي او همدا راز ټینګار وشو چې اړونده ریاستونه باید د خپلو چارو پر مخ بیولو وخت کې پراخه همغږي ولري.
یادې غونډه کې د ولایتی ریاستونو په کاري او تدارکاتي پلانونو بحث وشو او د کمپیوټر ښونیزو مرکزونو د برقي او کمپیوټری وسایلو په هکله راپور د دیجیتلي مهارتونو د پراختیا ریاست له رئیس څخه واورېدل شو، دوی ته دنده سپارل شوې وه د ټولو ولایتونو د کمپیوټر ښوونیز مرکزونه وڅیړي او شته ستونزوته یې دحل لاره ولټول شي.
ښاغلي وزیر صاحب ولایتي ریاستونو کې د کمپیوټر ښوونیزو مراکزو پر پیاوړتیا ټینګار وکړ او زیاته یې کړه چې یادو ښوونیزو مرکزونو ته باید د ظرفیت لوړونې په برخه کې ځانګړې پاملرنه وشي.
همدا راز محترم الحاج مولوي نجیب الله حیات حقاني زیاته کړه هغه مامورین چې کورنیو او بهرنیو ورکشاپونو ته ور پیږندل کیږي باید خپلې لاسته راوړنې په عملي او لیکلي بڼه له وزارت سره شریکې کړي تر څو له لاسته راوړنو څخه یې ګټه واخیستل شي.
پدې غونډې کې د علمي کادرونو د جذب په هکله یی هم خبرې وشوې او ټینګار وشو چی باید علمی کادرونه را جذب او وګمارل شي ترڅو د ټکنالوجۍ په برخه کې د پیاوړتیا سبب وګرځی.
د یادونې وړ ده د مخابراتو او معلوماتي ټکنالوجۍ وزارت تر دې دمه په تخنیکي برخو کې د هېواد مسلکي کادرونه چې د زده کړو کچه یې د دوکتورا تر کچې ده جذب او په دندو ګمارلي چې ورسره هېواد کې د ټکنالوجۍ د ودې او پراختیا په برخه کې مؤثر ثابت شوي.
