د مخابراتو او معلوماتي ټکنالوجۍ وزارت دوه لوړ پوړه کارکوونکو د غازي ميربچه خان دولتي مډال او لومړۍ درجه تقدیرنامې تر لاسه کړې

Alireza Khaliqyar
پنجشنبه ۱۳۹۷/۱۰/۶ - ۱۷:۳۸

https://mcit.gov.af/ps/%D8%AF-%D9%85%D8%AE%D8%A7%D8%A8%D8%B1%D8%A7%D8%AA%D9%88-%D8%A7%D9%88-%D9%85%D8%B9%D9%84%D9%88%D9%85%D8%A7%D8%AA%D9%8A-%D9%BC%DA%A9%D9%86%D8%A7%D9%84%D9%88%D8%AC%DB%8D-%D9%88%D8%B2%D8%A7%D8%B1%D8%AA-%D8%AF%D9%88%D9%87-%D9%84%D9%88%DA%93-%D9%BE%D9%88%DA%93%D9%87-%DA%A9%D8%A7%D8%B1%DA%A9%D9%88%D9%88%D9%86%DA%A9%D9%88-%D8%AF-%D8%BA%D8%A7%D8%B2%D9%8A-%D9%85%D9%8A%D8%B1%D8%A8%DA%86%D9%87-%D8%AE%D8%A7%D9%86-%D8%AF%D9%88%D9%84%D8%AA%D9%8A-%D9%85%DA%89%D8%A7%D9%84-%D8%A7%D9%88-%D9%84%D9%88%D9%85%DA%93%DB%8D

د جمهور رئیس جلالتمآب محمد اشرف غني، لومړۍ مېرمنې او د اداري اصلاحاتو او ملي خدماتو د مستثل کمېسيون د مشرتابه له خوا، د مخابراتو او معلوماتي ټکنالوجۍ وزارت د دوه لوړ پوړه کارکوونکو په شمول د ملکي خدماتو لس تنه خلاق او غوره کارکوونکي د جوایز، ستاينلیکونو او مډالونو په ورکولو سره وستایل شول. 
دغه جايزې چې د ښاريانو، مدني بنسټونو او ټولنيزو سازمانونو له خوا د غوره خدماتو د عرضې او د فساد سره د مبارزې په برخه کې ټاکل شوې وې، د ارزونې د کمېټې او داورانو د اروزونې وروسته د ميربچه خان دولتي مډال د مخابراتو او معلوماتي ټکنالوجۍ وزارت د افغان پُسټ رئیس احمد وحيد ویس او لومړۍ درجه ستاینلیک د لغمان ولايت د مخابراتو او معلوماتي ټکنالوجۍ رئیس همايون شمس ته ورکول شو. 
جمهور رئیس جلالتمآب محمد اشرف غني ګټونکو ته په خطاب کې وویل چې تاسو نن ثابته کړه چې ددې هېواد مالکان ياست، تاسو د مخابراتو په سطح د روښنايي راوړونکي ياست او ستاسو نوښتونو د پر خلکو اغېزه کړې. تاسو د مردم سالارۍ بنيادونه ټينګوئ. له دې وروسته به هر کال ستاسو په شان د د نوښتګرو ځوانانو ستاينه کېږي.