د مخابراتو او معلوماتي ټکنالوجۍ وزارت او د CISCO نړیوالې کمپنۍ ترمنځ همکاري رامنځ ته کول
د مخابراتو او معلوماتي ټکنالوجۍ وزارت وزیر محترم شهزاد اريوبی د خپلو ليدنو په لړ کې د مايکروسافټ نړيوال شرکت د نړیوالې سوداګرۍ د رئیس ښاغلی ماتیو ریسمت سره ولیدل چې په دغه ليدنه کې د جمهور رئیس ستر سلاکار ښاغلی ډاکټر همایون قيومي، د افغانستان د سفارت مستشار مېرمن مدينه قاسمي او د سفارت یو بل استازی هم موجود وو.
د مخابراتو او معلوماتي ټکنالوجۍ وزیر په دغه ليدنه کې د مايکروسافټ شرکت سره په بېلابېلو موضوعاتو خبرې وکړې چې د افغانستان لپاره د ځانګړي لايسنس زمينه سازي، په ځانګړې توګه د حکومت لپاره د مايکروسافټ د پروګرامونو لکه ونډوز او آفس د ښه ګټې اخیستنې په موخه، د درسي موادو د اسانتياو رامنځته کولو له لارې د برېښنايي زده کړو په برخه کې همکاري، د ښوونځیو لپاره ګټور لوازم او مطالب، د دولتي کارمندانو ظرفيت لوړونه په ځانګړې توګه د مخابراتو او معلوماتي ټکنالوجۍ وزارت د تخنيکي ټیم روزنه چې زموږ په سالم مديریت سره موثر معلومات، ښه خدمتونه په کم لګښت وړاندې شي او په یو شمېر نورو مهمو موضوعاتو باندې خبرې او بحث وکړ.
