د صنعت او سوداګرۍ وزارت معین سره لیدنه
Alireza Khaliqyar
دوشنبه ۱۳۹۷/۱۰/۱۰ - ۲:۴۰
دوشنبه ۱۳۹۷/۱۰/۱۰ - ۲:۴۰
د مخابراتو او معلوماتي ټکنالوجۍ وزیر محترم شهزاد آريوبي نن د خپل کار په دفتر کې د صنعت او سوداګرۍ وزارت معين محترم اجمل عبدالرحیمزی سره ولیدل او په دغه وزارت کې مو د معلوماتي ټکنالوجۍ او الکټرونيکي حکومتدارۍ د سيسټمونو په اړه ور سره خبرې وکړې.
د صنعت او سوداګرۍ وزارت د IT زېربناو، نوي ویب پاڼې، رسمي برېښنالیکونو، د GRP سيسټم عملي کولو او د مبایل له لارې د دولتي کارکوونکو د معاشاتو د ورکړې په برخو کې د همکارۍ غوښتنه کوي چې د مخابراتو او معلوماتي ټکنالوجۍ وزارت تخنيکي ټيمونه به د هر اړخيزې ارزونې وروسته په يادو برخو کې لازم ګامونه پورته کړي.
