نن شنبه د ۱۳۹۸ کال د مرغومې میاشتې ۲۸ نېټه، د مخابراتو او معلوماتي ټکنالوژۍ سرپرست وزیر محمد فهیم هاشمي، د اترا ادارې له تخنیکي مرستیال انجنیر نقیب الله سېلاب سره د لیدنې په ترڅ کې، د انټرنیټ بییو پر راکمولو ټینګار وکړ.
په دغه لیدنه کې ښاغلي هاشمي وویل:« ټول مخابراتي شرکتونه باید د ضمیموي لګښتونو راکمولو له لارې، د انټرنيټ عمده بییو په راکمولو او کیفتونو په لوړولو کار وکړي.»
د اترا ادارې تخنیکي مرستیال انجنیر نقیب الله سېلاب، بیا به دې تړاو د یوې تازه مقررې له جوړولو خبر ورکړ، چې به وینا یې له مخې به یې د ټولو مخابراتي شرکتونو په عمده انټرنیټ بییو کې پام وړ بدلون راشي.
د ناستې په پای کې، دواړو لوریو ژمنه وکړه، چې په نیږدې راتلونکې کې به د تازه مقررو له مخې، له ټولو مخابراتي شرکتونو سره د انټرنیټ بییو راکمولو او کیفتونو لوړولو په برخه کې له نیږدې کار وکړي.
د یادونې وړ ده، چې په افغانستان کې د انټرنیټ بییو لوړېدو یوازینی لامل په دغه برخه کې د مخابراتي شرکتونو بې ساري عملیاتي لګښتونه ښوودل شوی.