د افغان ټیلیکام مخابراتي شرکت د رهبري هئیت غونډه جوړه شوه
![hh](/sites/default/files/2020-07/nshst_hyat_rhbry_ba_tlykam.jpg)
پرون سه شنبه، د روان ۱۳۹۹ کال د چنګاښ په ۱۷ نیټه د افغان ټیلیکام مخابراتي شرکت ناسته د مخابراتو او معلوماتي ټکنالوژۍ وزارت سرپرست ښاغلي محمد فهیم هاشمي په ریاست جوړه شوه.
د غونډې په پیل کې، د افغان ټیلیکام مخابراتي شرکت د خدمتونو د تطبیق او څرنګوالي په اړه راپور ارزونه وشوه او د دې شرکت په چاروکې پر ډلهییزو او شفافو پریکړو ټینګار وشو.
ښاغلي هاشمي د ډلهییزو پریکړو په ټینګار سره وویل چې له نن څخه به د دې شرکت پورې اړوند ټولې پریکړې باید په ګډه او د اجرایوي بورډ لخوا ونیول شي. هغه زیاته کړه چې پدې شرکت کې د افرادو هرډول بدلون او برطرفی باید بند شي مګر دا چې د اصولو، اړتیا او یا اصلاحاتو پراساس او موخه وي.
همدا راز غونډه د افغان ټیلیکام مخابراتي شرکت د خدمتونو په بیلا بیلو اړخونو ارزونه وکړه او اړوند چارواکو ته یې لارښوونه وکړه چې احتمالي ننګونې او نیمګړتیاوې په ګوته کړي او ژر تر ژره د حل لپاره یې اقدام وکړي.