د افغانستان د مخابراتو او معلوماتي ټکنالوجۍ سکټور کې د قزاقستاني شرکتونه لیوالتيا
Alireza Khaliqyar
پنجشنبه ۱۳۹۸/۳/۳۰ - ۱۷:۴۲
پنجشنبه ۱۳۹۸/۳/۳۰ - ۱۷:۴۲
د مخابراتو او معلوماتي ټکنالوجۍ وزارت سرپرست محترم محمد فهيم هاشمی نن د خپل کار په دفتر کې په افغانستان کې د قزاقستان سفیر محترم علیم خان ییسن ګلدیف سره ولیدل او د دواړو هېوادونو د اړيکو پر پراختيا يې خبرې وکړې.
د قزاقستان سفیر وویل چې يو شمېر شرکتونه يې لیواله دي، د افغانستان د مخابراتو او معلوماتي ټ:کنالوجۍ سکټور کې پانګونه وکړي او خپله ډېټا د افغانستان له لارې د جنوب ختيځې آسيا هېوادونو ته انتقال کړي.
محترم محمد فهيم هاشمي د قزاقستان هېواد شرکتونو د پانګونې څخه د مننې تر څنګ هغوی وهڅول چې د افغانستان د مخابراتو او معلوماتي ټکنالوجۍ سکټور په نورو برخو کې هم پانګونه وکړي.
