دمشرانو جرګي دمواصلاتو اومخابراتو کمیسیون غړو دمخابراتو وزارت لاسته راوړنې وستایلي

 د مشرانو جرګې د مواصلاتو او مخابراتو کمېسیون غړو ته د مخابراتو او معلوماتي تکنالوجئ وزارت د لاسته راوڼو او راتلوونکو پلانونو په اړه معلومات ورکړل شول.

نن چهارشنبه د ورې دمیاشتي ۳۰ نیټه د مشرانو جرګې د مواصلاتو او مخابراتو کمیسیون رییس او یو شمیر غړو او د مخابراتو او معلوماتي تکنالوجۍ وزارت رهبري هیئت ګډه غونډ د مخابراتو په وزارت کې جوړه شوه. یاده غونډه چې د مخابراتو او معلوماتي تکنالوجۍ وزارت د رهبري هیئت په بلنه جوړه شوي وه، لومړی د مخابراتو او معلوماتي تکنالوجۍ وزیر ښاغلي انجینر امیرزي سنګين پلاوي ته ښه راغلاست وویل او دغوڼدې موخې یې داسي څرګندې کړي.

موخې:

 ترسره شوي کارونه او د راتلوونکو پلانونو توضیح کول.

د کارونو د لاښه پرمختګ په موخه ستاسو د نظرونو او وړاندیزونو اوریدل.

د مخابراتي تاسیساتو څخه لیدنه

  ښاغلي امیرزي سنګین د مبایل خدمتونو،نوري فایبر، افغان تیلي کام، پستي خدمتونو او د معلوماتي تکنالوجۍ مرکز په اړه پلاوي  ته  لنډه معلومات ورکړل او د راتلوونکو پلانونو په اړه وویل: غواړو چې لرو پرتو سیموته مخابراتي خدمتونو وړاندې او تر پوښښ لاندې راولو، د هېواد هغو ولایتونو ته چې د نوري فایبر پروژه نه ده رسېدلې د یادې پروژې رسول، بریښنایي حکومتداري، د 3G  خدمتونو وړاندې کول، له انالوګ سېستم څخه ډیجیټل سیستم ته د تلویزیوني خپرونو اړول او د ختیځ په ۵۰ درجو کې د سټلایت ځای پرځای کولو باندې خبرې وکړې .

وروسته بیا د اترا ادارې مرستیال ښاغلي انجنیر خیر محمد فیضي، د افغان تیلی کام ريیس ښاغلي ګل احمد راستمن او د معلوماتي تکنالوجۍ رییس ښاغلي ایمل مرجان لخوا غوندي ته اړونده معلومات وړاندې کړای شول.

د مشرانوجرګې د مواصلاتو او مخابراتو کمېسیون رییس ښاغلي احمد جاوید روف او ورسره پلاوي دغونډې پايله ښه وازوله او دمخابراتو او معلوماتي تکنالوجۍ وزارت لاسته راوني یې وستایلې،  په وروستي برخه کې د افغان ټیلي کام له مرکزي هب او د پُست له موزیم څخه لیدنه وکړه.