افغانستان کې د اسلامي همکارۍ سازمان پخواني استازي حسین اوني بوتسالي په مشرۍ پلاوي چې د ۷۷ ساختماني شرکت مسؤلینو هم پکې ګډون درلود د مخابراتو او معلوماتي ټکنالوجۍ وزارت له وزیر سره د هغه په دفتر کې ناسته وکړه.

naweed_admin
دوشنبه ۱۴۰۱/۹/۱۴ - ۱۵:۱۹
وزیر مخابرات

د غونډې په پیل کې د مخابراتو او معلوماتي ټکنالوجۍ وزیر الحاج مولوي صاحب نجیب الله. حـ قاني راغلي پلاوي ته ښه راغلاست وویل او د افغانستان د بیا رغونې په برخه کې یې د دوی د کارونو ستاینه وکړه.

همدا راز د مخابراتو او معلوماتي ټکنالوجي وزارت وزیر ترکیه یو مسلمان هېواد چې افغانستان سره ګډ عقیدوي او کلتوري نیږدوالی لري مهم اسلامي هېواد یاد کړ.

دغه ناسته چې افغانستان کې د ټکنالوجۍ او مخابراتي خدمتونو د چټکتیا او پرمختګ په هدف جوړه شوې وه د ترکیې له خوا افغانستان کې د اسلامي همکاریو سازمان پخواني استازي ښاغلي حسین اوني بوتسالي او د ۷۷ شرکت استازو څرګنده کړه چې دوی کولای شي افغانستان کې د بنسټیزو یا زیربنايي پروژو په پلي کولو، تخنیکي برخه کې د افغان کادرونو د روزنې، د ویجاړ شویو سیسټمونو بیارغونې او د دوی له پینځمې سپوږمکۍ څخه چې اوسمهال فضا ته توغول شوې ګټه اخیستنه چې پر مټ به یې افغانستان باکیفیته انټرنټ او مخابراتي اسانتیاوو ته لاسرسی پیدا کړي.

ښاغلي بوتسالي د مخابراتو او معلوماتي ټکنالوجۍ وزارت وزیر صاحب ته د خبرو په جریان کې وړاندیز وکړ چې د نمونې په ډول دې څو برخې دوی ته مشخصې کړي څو دغه شرکت یې د ډالۍ په توګه د مخابراتو او معلوماتي ټکنالوجۍ وزارت ته جوړې کړي، د مخابراتو او معلوماتي ټکنالوجۍ وزارت او د راغلي پلاوي له لوري پر همدې مورد د یوه مسلکي ټیم د جوړېدو سلا وشوه.

د مخابراتو او معلوماتي ټکنالوجۍ وزارت وزیر د دوی له لوري افغانستان کې په بېلابېلو برخو کې پانګونې ته د لېوالتیا مننه وکړه او ډاډ یې څرګند کړ چې اوسمهال افغانستان کې د اقتصادي پروژو د پلي کولو او پانګونې لپاره د امنیت په شتون، د اداري فساد د نشتون او جغرافیوي موقعیت ته په کتو لازمې اسانتیاوې رامنځ ته شوي او پانګوال کولای شي له دغو اسانتیاو په استفادې په ډاډه زړه پانګونه وکړي.

د یادونې وړ ده د مخابراتو او معلوماتي ټکنالوجۍ وزارت وزیر الحاج مولوي صاحب نجیب الله. حـ قاني د دوی له لوري د هغو وړاندیزونو په تړاو چې غواړي افغانستان کې د مخابراتو او ټکنالوژۍ د پرمختګ په برخه کې مرسته وکړي ډاډ ورکړ چې د دواړو هېوادونو د ګټو د خوندیتوب په پام کې نیولو او له تخنیکي او مسلکي بحثونو وروسته به یې سر ته رسوي.

د ترکیې هېواد د ۷۷ شرکت او د اسلامي همکاریو سازمان پخواني استازي په مشرۍ د راغلي پلاوي دغې ناسته کې د مخابراتو او معلوماتو ټکنالوجۍ وزارت تخنیکي او مسلکي معین پوهنیار احمد مسعود لطیف رای هم ګډون درلود.

تازه خبرونه

پنجشنبه ۱۴۰۲/۹/۹ - ۱۲:۴۶
Background image

د غور ولایت د پسابند ولسوالۍ سیني سیمه کې د سلام مخابراتي شبکې نوی مخابراتي سایټ فعال شو

د مخابراتو او معلوماتي ټکنالوجۍ وزارت د افغان ټلیکام مخابراتي شرکت د سلام شبکې نوی مخابراتي سایټ د غور ولایت...

شنبه ۱۴۰۲/۹/۴ - ۱۵:۳۶
Background image

د جوزجان ولایت شبرغان ښار کې د سلام مخابراتي شبکې نوې څانګه پرانیستل شوه

د مخابراتو وزارت د افغان ټلیکام مخابراتي شرکت سلام مخابراتي شبکې د غوره مخابراتي خدمتونو د وړاندې کولو او پیرودونکو ته د لازیاتو اسانتیاوو د برابرولو په موخه...

یکشنبه ۱۴۰۲/۸/۲۸ - ۱۵:۲۵
Background image

د هلمند ولایت د اتصالات اي ډي اس او ام ټي ان د یلو پواینټ څانګو څخه څارنه وشوه

دهلمند ولایت د مخابراتو اومعلوماتی ټکنالوجۍ ریاست، آترا ادارې ولایتي مدیریت او نورو اړوندو موظفینو له لوري د...

بېرته خبرونه ته