پکتیکا ولایت کې د دوه خصوصي انټرنیټي شرکتونو له خدمتونو څخه څارنه تر سره شوه
پکتیکا ولایت د مخابراتو او معلوماتي ټکنالوجۍ ریاست له لوري په یاد ولایت مرکز ښرنې ښار کې د افغان ټلیکام د دوه خصوصي رسلر انټرنیټي شرکتونو د فعالیت او خدمتونو له بهیر څخه څارنه او کنټرول ترسره شو.
د دې څارنې په ترڅ کې په ډاګه شوه چې یوه انټرنیټي شرکت د مخابراتو او معلوماتي ټکنالوجۍ وزرات د اټرا ادارې د اصولو او مقرراتو خلاف خدمتونه ترسره کول او د ترسره کړي غیر قانوني فعالیت په موخه ورته لازمې سپارښتنې وشوې.
دا څارنه د غیر قانوني فعالیتونو د مخنیوي، د انټرنیټي شرکتونو د کاري تفکيک په اړه د پوهاوي, په خاطر ترسره شوه.
