کندز ولایت یو شمیر ولسوالیو کې د اتصالاتو مخابراتي شرکت د انټرنیټي خدمتونو ظرفیت لوړ شو
د مخابراتو او معلوماتي ټکنالوجۍ وزارت د هدایت پر اساس، د کندز ولایت د مخابراتو او معلوماتي ټکنالوجۍ ریاست او د اتصالاتو مخابراتي شرکت په ګډو هڅو د یاد ولایت په یو شمیر (چهار درې، ګل تپې، دشت ارچي او امام صاحب) ولسوالیو کې د اتصالاتو مخابراتي د پنځه انټرنیټي سایټونو ظرفیت له ۳جي څخه ۴جي ته لوړشول او ګټې اخیستنې ته وسپارل شو.
د اتصالاتو مخابراتي شرکت د ۴جي انټرنیټي خدمتونو په فعالیدو سره به د نوموړي ولایت د یادو ولسوالیو اوسېدونکي وکولای شي لوړ کیفیت او چټک انټرنېټي خدمتونو ته لاسرسی ولري او خپلې مخابراتي او انټرنیټي ستونزې هوارې کړي.
د یادونې وړ ده چې د کندز ولایت اوسېدونکو د مخابراتو او معلوماتي ټکنالوجۍ وزارت د دغه اقدام ستاینه وکړه او د نوموړي ولایت د مخابراتو او معلوماتي ټکنالوجۍ ریاست، له هڅو یې خوښي څرګنده کړه.
