غور ولایت د مخابراتو او معلوماتي ټکنالوجۍ ریاست، مخابراتي شرکتونو او محلی راډیوګانو مسئولینو تر منځ د همغږۍ غونډه وشوه
دغه غونډه د غور ولایت د مخابراتو او معلوماتي ټکنالوجۍ ریاست، د مخابراتي شرکتونو او محلي راډیوګانو ترمنځ په همغږۍ ترسره شوه تر څو د سیمکارتونو ثبت د مخابراتو او معلوماتي ټکنالوجۍ وزارت د اترا ادارې د کړنلارې په اساس ترسره شي. همدارنګه، د غیر مجاز مکالماتي او انټرنیټي بستو فعالول، په خپلو ټاورونو کې د فریکونسي د مداخلو فلټرونو نصب او د هغه راجستر کول، د خلکو مخابراتي او انټرنیټي ستونزې حل کولو په اړه بحث وشو.
همدا راز، د غور ولایت د مخابراتو او معلوماتي ټکنالوجۍ رئیس په غونډه کې د یادو شرکتونو او محلي راډیوګانو مسؤلانو ته لارښوونه وکړه چې ټول مخابراتي شرکتونه او محلي راډیوګانې مکلف دي چې د مخابراتو او معلوماتي ټکنالوجۍ وزارت د اترا ادارې د کړنلارې په اساس خلکو ته خپلې خدمتونه وړاندې کړي او د خپلو مشترکینو ستونزو ته په وخت رسیدګي وکړي.
