د پکتیا ولایت په یوشمیر ولسوالیو کې د یولسو نویو مخابراتي سایټونو د جوړولو سروې ترسره شؤه
د هیواد لرو پرتو سیمو ته د مخابراتي او انټرنېټي آسانتیاو برابرولو په موخه د مخابراتو او معلوماتي ټکنالوجۍ وزارت د پریکړې له مخې د پکتیا ولایت د مخابراتو او معلوماتي ټکنالوجۍ ریاست، د ګډ مسلکي ټیم له لوري د نوموړي ولایت په زرمت، جاني خيلو، ګرده څېړۍ، شواک، لجه منګل، روحاني بابا، احمدابا، ځاځي اريوب، ميرزکې او وزې ځدراڼ ولسوالیو کې د سلام مخابراتي شبکې د یولسو نویو مخابراتي سایټونو چی د مخابراتو او معلوماتي ټکنالوجۍ وزارت د ټي دي اف بودېجې له لارې د جوړولو لپاره سروې تر سره شوه.
دیادولو وړده چې د یادو مخابراتي سایټونو د جوړولو عملي چارې به ډیر ژر پیل شي او په جوړیدو سره به یې د نوموړو سیمو د اوسیدونکو مخابراتي او انټرنېټي ستونزې هوارې شي.
