د هرات ښار په څلورمه او دوهمه ناحیوکې د افغان بیسیم مخابراتي شرکت د پیرودونکو خدمتونو دوه نوې څانګې پرانیستل شوې
د افغان بیسیم مخابراتي شرکت د غوره مخابراتي خدمتونو د وړاندې کولو او پیرودونکو ته د لازیاتو آسانتیاو د برابرولو په موخه د هرات ښار د څلورمې ناحیې په بکرآباد سیمه کې او د دوهمې ناحیې د لیلامیو جادې سیمه کې د افغان بیسیم مخابراتي شرکت د پیرودونکو خدمتونو دوه څانګې د یولړ رسمي مراسمو په ترڅ کې پرانیستل شوې.
د هرات ښار د یادو ناحیو سیمو اوسیدونکي کولای شي د دې څانګو په پرانیستو سره سیمکارتونه ترلاسه کړي او خپلې مخابراتي او انټرنټي ستونزې په آسانۍ سره حل کړي.
دیادولو وړده چې د هرات ښار اوسېدونکو د دې څانګو په پرانیستو سره د یاد ولایت د مخابراتو او معلوماتي ټکنالوجۍ ریاست له هڅو څخه خوښي څرګنده کړه.
