غور ولایت مرغاب ولسوالۍ کې په لومړي ځل د افغان بیسیم مخابراتي شرکت نوي سایټ په فعالیت وکړ
د مخابراتو او معلوماتي ټکنالوجۍ وزارت د هدایت پر اساس د غور ولایت د مخابراتو او معلوماتي ټکنالوجۍ ریاست او افغان بیسیم مخابراتي شرکت ګډو هڅو په ترڅ کې د غور ولایت مرغاب ولسوالۍ کې د افغان بیسیم مخابراتي شرکت مخابراتي او انټرنېټي خدمتونه د لومړي ځل لپاره په رسمي ډول پرانیستل شول.
د افغان بیسیم مخابراتي شرکت د مخابراتي او انټرنېټي خدمتونو په فعالیدو سره به د یادې سیمې اوسېدونکي وکولای شي لوړ کیفیت مکالماتي او چټک انټرنېټي خدمتونو ته لاسرسی ولري او خپلې مخابراتي ستونزې هوارې کړي.
د یادونې وړده چې مرغاب ولسوالی یوازینی ولسوالی و چې تر اوسه پورې د دې ولسوالی اوسېدونکو مخابراتو او انټرنېت خدمتونو ته لاسرسی نه درلود. اوس د دې مخابراتي سایټ په فعالېدو سره به د دې ولسوالی د زیات شمیر اوسېدونکو ستونزې حل شي.
