د مخابراتو او معلوماتي ټکنالوجۍ وزارت اټرا ادارې د طرزالعمل له مخې تېرو ۳ میاشتو کې ۱.۶ میلیونه سیمکارټونه ثبت شؤي
غیر قانوني سیمکارټونه چې افغانستان کې یو وخت یوه پېچلې معما او د ولس لپاره یو ستر سرخوږی و او د افغانستان اسلامي امارت حاکمیت سره د ؤلسونو ستره غوښتنه هم افغانستان کې د غیر قانوني سیمکارټونو مخنیوی و چې د سړکونو پر سر په ډېر بېباکه ډول پلورل کېدل او هر چا کؤلای شؤل په ډېرو کمو افغانیو یې ترلاسه کړي او استفاده یې کړي هغه که سمه استفاده ؤه او که ناسمه .
خو د مخابراتو او معلوماتي ټکنالوجۍ وزارت وتوانېد افغانستان کې غیر قانوني سیمکارټونه په عاجل او د یوه پرمختللي سیسټم په مټ چې یاد سیسټم هم د مخابراتو وزارت د مسلکي انجنیر صاحبانو له خوا جوړ شوی، مدیریت کړي او د خلکو خصوصي حریم هم خوندي کړي.
افغانستان کې ټولټال ۲۵ میلیونه فعال سیمکارټونه شتون لري چې له ډلې یې له نیمايي ډېر او کابو ۱۳ اعشاریه ۹ میلیونه سیمکارټونه د طرزالعمل مطابق ثبت او راجسټر شؤي او دا لړۍ لا هم په بریالي ډول مخ پروړاندې روانه ده.
