د بغلان ولایت په مرکز پلخمري ښار کې د روشن مخابراتي شبکې ۴جي انټرنیټي خدمتونه پیل شول
د مخابراتو او معلوماتي ټکنالوجۍ وزارت د پاملرنې پر اساس او د بغلان ولایت د مخابراتو او معلوماتي ټکنالوجۍ ریاست او د روشن مخابراتي شرکت په ګډو هڅو د بغلان ولایت په مرکز پلخمري ښار کې د روشن مخابراتي شرکت 4G مخابراتي او انټرنټي خدمتونه د یو لړ مراسمو په ترڅ کې په رسمي ډول پرانیستل شول.
د روشن مخابراتي شبکې د 4G انټرنټي خدمتونو په فعالیدو سره د نوموړي ولایت د مرکز اړوند پلخمري ښار اوسېدونکي کولای شي لوړ کیفیت او چټک انټرنېټي خدمتونو ته لاسرسی ولري او خپلې مخابراتي ستونزې هوارې کړي.
د یادونې وړ ده چې د یاد ولایت مرکز اړوند پلخمري ښار اوسېدونکو د مخابراتو او معلوماتي ټکنالوجۍ وزارت د کړنو ستاینه وکړه او د دغه ولایت د مخابراتو او معلوماتي ټکنالوجۍ ریاست له هڅو یې خوښي څرګنده کړه او د نوموړي شرکت له مسؤلینو څخه یې غوښتنه وکړه چې خپل مخابراتي خدمتونه د یاد ولایت نورو ولسوالیو ته هم و غځوي.
