د ۱۳۹۹ کال په ترڅ کې د سیمه ایزې همکارۍ په برخه کې د مخابراتو وزارت (کړنې)

د مخابراتو او معلوماتي ټکنالوجۍ وزارت د مخابراتو او انټرنیټي خدمتونو وړتیا او کیفیت لوړولو او په هیواد کې د ډیجیټل اقتصاد ودې لپاره ګاونډیو هیوادونو، ازبکستان، ترکمنستان او آذربایجان سره هوکړه لیکونه لاسلیک کړي دي او د ۱۳۹۹ مالي کال په اوږدو کې ، لاندې لاسته راوړنې ترلاسه کړي دي:

_د افغانستان، آذربایجان او ترکمنستان تر منځ درې اړخیزو اقتصادي همکاریو او ډیجیټلي کولو لپاره د لار نقشه جوړه شوې ده.

_د مخابراتي خدمتونو د پراختیا په برخه کې د افغانستان او ازبکستان ترمنځ د همکارۍ لپاره د لار نقشې مسوده برابره شوې ده.

_د افغانستان او ترکمنستان تر منځ د مخابراتو، پوستې خدمتونو او ظرفیت لوړونې پراختیا په برخو کې هوکړه لیک لاسلیک شوی دی.