د افغانستان د ټرافيک لپاره د نوي سیسټم د جوړولو پروژې د پرمختګ پر څرنګوالي خبرې وشوې
Alireza Khaliqyar
پنجشنبه ۱۳۹۷/۷/۱۹ - ۱۱:۲۹
پنجشنبه ۱۳۹۷/۷/۱۹ - ۱۱:۲۹
د مخابراتو او معلوماتي ټکنالوجۍ وزیر محترم شهزاد آريوبي په خپل کاري دفتر کې د کورنيو چارو وزارت د ټرافيک رياست سرپرست محترم جنرال داود سره د ليدنې تر څنګ د افغانستان د ټرافيک لپاره د نوي سیسټم د جوړولو پروژې د پرمختګ پر څرنګوالي خبرې وکړې.
د افغانستان د ټرافيک لپاره د سيسټم جوړولو او د پروسو ساده کولو طرحه د مخابراتو او معلوماتي ټکنالوجۍ وزارت د تخنيکي ټیم له خوا جوړه شوې او ددغه سيسټم د جوړولو په موخه د GTR شرکت سره قرارداد هم لاسلیک شوی دی.
ددغه سيسټم په رامنځته کېدلو سره د جواز سیر، موټرچلولو لایسنس او ټرافيکو ټولې چارې برېښنايي کېږي او د جرمونو کچه په ځانګړې توګه ټرافيکي جرايم او پېښې او د هېواد په کچه په دې برخه کې جعل او تزویر مخه نېول کېږي.
