د مخابراتو او معلوماتي ټکنالوجۍ وزارت نوی ویاند رسما معرفي شو
![lkjhh](/sites/default/files/2018-09/35973328_1880699568893928_5998255938664923136_n_18.jpg)
د مخابراتو او معلوماتي ټکنالوجۍ وزارت نوی وياند ښاغلی سائر ځلاند ددغه وزارت د تخنيکي مرستيال محترم انجينیر احمدشاه سادات له خوا په داسې حال کې معرفي شو چې د وزارت رئیسانو او د مطبوعاتو کارکوونکو هم برخه لرله.
ښاغلي سادات په دغه محفل کې وویل چې سائر ځلاند به د وزارت او رسنيو تر منځ نېکې اړيکې جوړې کړي او د وزارت فعالیتونه او لاسته راوړنې به په سمه توګه تر خلکو ورسوي.
سائر ځلاند چې د ژورناليزم او اقتصاد په برخه کې يې رسمي زده کړې کړي دي، په دولتي او غیر دولتي ادارو کې يې کار کړی او له هېواده بهر يې هم د رسنيو په برخه کې زده کړې کړي دي.
د وزارت نوي وياند ژمنه وکړه چې په ټول قوت سره به د وزارت د فعالیتونو او لاسته راوړنو د انعکاس په برخه کې کوشش کوي او هڅه به کوي چې په رسنيو کې د وزارت ښه استازولي وکړي.