غور ولایت مخابراتو او معلوماتی ټکنالوژۍ ریاست د ډیجیټلي مهارتونو ښوونیز مرکز څخه ۱۷۸ تنه زده کوونکو د فراغت سندونه ترلاسه کړل
د غور ولايت مخابراتو او معلوماتي ټکنالوژۍ رياست له لوري د کمپيوټري پروګرامونو (مایکروسافټ آفیس، وینډوز او انټرنیټ) په برخه کې، د زده کړې شپږمې دورې څخه له شپږ مياشتنيو زده کړو وروسته ۱۷۸ تنو زده کوونکو ته بري ليکونه وويشل شول.
د یادو زدهکوونکو د فراغت په موخه جوړه شوې غونډه کې د بېلابېلو ادارو چارواکو، علمای کرامو او ګڼ شمېر مېلمنو ګډون کړی و.
په یاده غونډه کې د مخابراتو ښاغلي مولوی عبدالناصر منصوری د مخابراتو و معلوماتي ټکنالوژۍ ولایتي ریاست په استازیتوب ګډونوالو ته د ښه راغلاست ویلو پرمهال فارغینو ته مبارکي وویله.
نوموړي د ډیجیټلي مهارتونو او نویو ټیکنالوژیو د زده کړې پر اهمیت ټینګار وکړ او ځوانان یې وهڅول چې خپلې زده کړي ځان او ټولنې په خدمت کې وکاروي.
ګډونوالو هم د علم، زده کړې او مسلکي مهارتونو پر ارزښت ټینګار وکړ او دا ډول پروګرامونه یې د ځوان نسل د فکري ودې، ځانبسیاینې او سالم راتلونکي لپاره مهم وبلل.
