په غور کې د افغان بیسیم مخابراتي شبکې نوی سایټ ګټې اخیستنې ته وسپارل شو
د غور ولایت د مخابراتو او معلوماتي ټکنالوژۍ ریاست د هڅو په پایله کې، د تیورې ولسوالۍ په پنج خوله کلي کې د افغان بیسیم مخابراتي شرکت نوی سایټ فعال او ګټې اخیستنې ته وسپارل شو.
همدارنګه ټاکل شوې ده چې په نږدې راتلونکي کې به د تیورې او پسابند ولسوالیو یو شمېر مخابراتي سایټونه له ۲جې څخه ۳جې ته لوړ شي، چې په دې سره به د سیمې اوسېدونکو ته د مخابراتي او انټرنېټي خدمتونو د ښه لاسرسي زمینه برابره شي.
د یادونې وړ ده، چې د دې سایټ په فعالېدو او د نورو سایټونو په لوړولو سره به د غور ولایت په یادو سیمو کې د مخابراتي او انټرنېټي خدمتونو کیفیت او پوښښ لا پیاوړی او ښه شي.
