د پکتیکا ولایت د مخابراتو او معلوماتي ټکنالوجۍ ریاست د ډیجیتلي مهارتونو له مرکز څخه ۶۸ تنه فارغ شول

د پکتیکا ولايت مخابراتو او معلوماتي ټکنالوجۍ رياست له لوري د کمپيوټري پروګرامونو (د کمپيوټري اساسات ،ام اس ورد، اکسل، اکسس، پاورپوینټ ) او د انټرنیټ اساساتو په برخه کې، په پنځلسمه دوره کې له شپږ مياشتنيو زده کړو وروسته ۵۷ تنو زده کوونکوته اوهمدارنګه دیاد ولایت د کثیرالرشوتوي انسټيټوټ د کمپيوټر ساینس څانګي ۱۱تنو زدکونکوته له یوې میاشتې عملي زدکړو وروسته د فراغت بري ليکونه وويشل شول.

د فراغت د مراسمو په ترڅ کې د پکتیکا ولایت د مخابراتو او معلوماتي ټکنالوجۍ رئیس محترم ملا محمد انور قیام، د بیلابیلو ادارو کارکونکو، ښوونکو او زدکونکو ګډون درلود.

په یاده غونډه کې د پکتیکا ولایت د مخابراتو او معلوماتي ټکنالوجۍ رئيس محترم ملا محمدانور قیام فارغ شویو ځوانانو ته د مبارکۍ ویلو ترڅنګ په اوسني عصر کې د معلوماتي ټکنالوجۍ په ارزښت او اړتیا خبرې وکړې او همداراز ځوانان یې و هڅول چې د موجوده فرصت څخه د معلوماتي ټکنالوجۍ په برخه کې خپلې پوهې د پراختیا لپاره پوره ګټه واخلي.

د مخابراتو او معلوماتي ټکنالوجۍ وزارت د اوسني عصر اړتیا او د ټکنالوجۍ ارزښت ته په کتو د هېواد په ټولو ولایتونو کې د کمپیوټر د زده کړې علمي مرکزونه جوړ او د ټکنالوجۍ په پرمختللو وسایلو سمبال کړي چې د مجربو ښوونکو له لوري هېوادوالو ته پکې په نظري او عملي ډول تدریس کېږي.