د پروان ولایت غوربند ولسوالۍ کې د سلام مخابراتي شبکې د یوه سایټ رغنیزې چارې بشپړې شوې
د هېواد لرو پرتو سیمو ته د مخابراتي چوپړتیاو د رسولو په موخه د پروان ولایت د غوربند ولسوالۍ سیاګرد کې د سلام مخابراتي شبکې د یوه سایټ رغنیزې چارې چې موده وړاندې پیل شوې وې بشپړې او ګټې اخیستنې ته چمتو شوی.
یاد سایټ د مخابراتو او معلوماتي ټکنالوجۍ وزارت اترا ادارې د ټي ډی ایف لسمې پروژې له مخې د پروان ولایت غوربند ولسوالۍ سیاګرد سیمې ته ځانګړی شوی چې په فعالېدو سره به یې ډیری هغه برخې چې له مخابراتي آسانتیاو محرومې وې له انټرنټي او مکالماتي خدمتونو برخمن شي.
