کندز ولایت د مخابراتو او معلوماتي ټکنالوجۍ ریاست او مبایل کریډیټ کارت پلورونکو تر منځ د همغږۍ غونډه وشوه
د کندز ولایت د مخابراتو او معلوماتي ټکنالوجۍ ریاست او کریډیټ کارت پلورونکو ترمنځ له ټاکل شوې بیې څخه په لوړه بیه د پلور د مخنیوي په موخه د همغږۍ غونډه تر سره شوه.
په یاده غونډه کې د کندز ولایت د مخابراتو او معلوماتي ټکنالوجۍ رئیس محترم ملا عبدالواجد عادل کریډیټ پلورونکو ته د وزارت مقام د هدایت له مخې لارښونه وکړه چې ټول کریډیټ پلورنکي باید د کریډیټ کارت پلور د مخابراتو او معلوماتي ټکنالوجۍ وزارت (اټرا ادارې) له اصولو او ټاکل شویو نرخونو سره سم وپلوري او خپلو پیرودونکو ته غوره چوپړ وړاندې کړي.
د یادونې وړ ده چې کندز ولایت کې موجوده کریډیټ کارت پلورونکو ډاډ څرګند کړ چې د مخابراتو او معلوماتي ټکنالوجۍ وزارت اټرا ادارې کړنلارې په اساس یې خپلې چارې تنظیم کړي او هڅه کوي ټول هغه قوانین چې د مخابراتو او معلوماتي ټکنالوجۍ وزارت له لوري ورته ټاکل کېږي په بشپړ ډول پلي کړي.
