کاپیسا ولایت د مخابراتو او معلوماتي ټکنالوجۍ ریاست او مخابراتي شرکتونو ترمنځ د همغږۍ غونډه وشوه
د چارو د لا ښه ترسره کولو په موخه د کاپیسا ولایت د مخابراتو او معلوماتي ټکنالوجۍ ریاست او مخابراتي شرکتونو مسؤلينو ترمنځ د همغږۍ غونډه جوړه شوه.
دغې ناسته کې، د مخابراتي خدمتونو کیفیت لوړول او پراختیا، لرې پرتو سیمو ته، د اترا ادارې د طرزالعمل مطابق د سیمکارتونو ثبتولو، د پیرودونکو شکایتونو ته په نیږدې او لرې پرتو سیموکې په وخت سره حل کول او نورو اړوندو موضوعاتو په اړه بحث وشو.
په دې غونډه کې سپارښتنه وشوه چې ټول مخابراتي شرکتونه دې د یادو ستونزو د حل لپاره عملي اقدام وکړي او د اصولو مطابق خپل خدمات وړاندې کړي.
د ټولو مخابراتي شرکتونو استازو د مخابراتو ریاست او اترا ادارې له دوامدارې همکارۍ مننه وکړه او ډاډ یې څرګند کړ چې ټولې کړنې به د اصولو او طرزالعمل سره سم ترسره کوي.
د یادونې وړ ده چې دغې ناسته کې د اترا ادارې نوی ټاکل شوی آمر د مخابراتي شرکتونو مسؤلینوته ور وپیژندل شو.
