کاپیسا ولایت د مخابراتو او معلوماتي ټکنالوجۍ ریاست، انټرنیټي، ریسلر شرکتونو، انځوریزو او غږیزو رسنیو مسئولینو ترمنځ د همغږۍ غونډه وشوه
دغې غونډې کې د کاپیسا ولايت د مخابراتو او معلوماتي ټکنالوجۍ رئيس محترم مولوي دلاور برهان د انټرنټي خدمتونو وړاندې کوؤنکو، ريسلر شرکتونو او انځوریزو او غږیزو رسنیو استازو ته د ښۀ راغلاست ترڅنګ يؤلړ سپارښتنې وکړې.
نوموړي پۀ خپلو خبرو کې زياته کړه چې هر ريسلر شرکت بايد د انټرنېټ وړاندې کوونکي شرکت لۀ لوري د مخابراتو او معلوماتي ټکنالوجۍ وزارت اترا ادارې ته معرفي ثبت او راجستر شي او لۀ هغه وروسته دې کاپیسا ولايت ته رسماً را معرفي کړل شي.
ښاغلي مولوي دلاوربرهان راغلو استازو ته پۀ خپلو خبرو کې د انټرنېټي خدمتونو د وړاندې کؤلو پۀ پار د فريکونسي جوازليکونو د ترلاسه کولو او همداراز، د انټرنېټي باکيفيته خدمتونو په وړاندې کؤلو او په خپلو ټاورونو کې د فریکونسي د مداخلو فلټرونو نصب ، د هغه راجستر کول او د جواز بیاځلې نوي کولو په اړه ټینګار وکړ.
د یادونې وړ ده چې کاپيسا ولایت کې موجوده انټرنټي شرکتونو او انځوریزو او غږیزو رسنیو مسئولینو ډاډ څرګند کړ چې د مخابراتو او معلوماتي ټکنالوجۍ وزارت اټرا ادارې کړنلارې په اساس یې خپلې چارې تنظیم کړي او هڅه کوي ټول هغه قوانین چې د مخابراتو او معلوماتي ټکنالوجۍ وزارت له لوري ورته ټاکل کېږي په بشپړ ډول پلي کړي.
