څلویښت نجونې د سیالۍ په آزموینه کې له بریالي کیدو وروسته خپلو اړوندو څانګو ته معرفي شوې

naweed_admin
شنبه ۱۴۰۰/۵/۱۶ - ۱۶:۳۸
معصومه خاوری

دا مراسم د مخابراتو او معلوماتي ټکنالوجۍ وزیرې معصومه خاوري، د کاسا ډیجیټل پروژې رئیس او کارمندانو او د مخابراتو او معلوماتي ټکنالوجۍ وزارت د یو شمیر رئیسانو په ګډون جوړ شوي وو.

د مخابراتو او معلوماتي ټکنالوجۍ وزیرې، د معلوماتي ټکنالوجۍ په سکتور کې د ښځو او انجونو لږ برخه اخیستنې او په دې برخه کې په ۲۰۲۱ کال کې د نړیوالې مخابراتي اتحادیې شعار او ټینګار ته په اشارې سره و ویل چې پدې دوره کې د میرمنو ګمارنه یو مهم ګام دی او د ښځو لخوا د فرصت په سمه او غوره کارولو یې ټینګار وکړ.

معصومه خاوری

د کاسا ډیجیټل پروژې رئیس خداداد موسوی ګډونوالو ته د ښه راغلاست پرمهال د دې برنامې اهمیت په اړه خبرې وکړې او د ښځو لخوا د ټکنالوجۍ د کارولو کې لپاره د ورته پروګرامونو ترسره کیدل یې مهم او حیاتي وبلل.

ښاغلي موسوي، د میرمنو لپاره د زده کړې په پیل سره، له هغوی وغوښتل چې له دې فرصت څخه اعظمي ګټه پورته کړي او د تخنیکي څانګو په همکارۍ دې د خپلو وړتیاوو او مهارتونو لوړولو ته جدي پاملرنه وکړي.

خداداد موسوی

د کاسا ډیجیټل پروژې د جندر او عامه اړیکو متخصصې وژمه کوهستاني هم پدې اړه خبرې وکړې او د ښځو د ملاتړ کولو په برخه کې یې د مخابراتو او معلوماتي ټکنالوجۍ وزارت له هڅو څخه ستاینه وکړه.

د دغه پروګرام یوې ګډونوالې بهشته حبیبي، پداسې حال کې چې د مخابراتو او معلوماتي ټکنالوجۍ وزارت او د کاسا ډیجیټل پروژې چارواکو له پاملرنې او ملاتړ څخه ستاینه وکړه په پراخه کچه د ښځو لپاره د دې ډول پروګرامونو د دوام غوښتنه یې وکړه.

د یادونې وړ ده چې د ۹ میاشتني زده کړې پروګرام پای ته رسیدو وروسته، د دغه پروګرام برخه اخیستونکو ته به د کاري سندونه ورکړل شي.

تازه خبرونه

سه‌شنبه ۱۴۰۱/۲/۲۰ - ۱۰:۵۴
Background image

د مخابراتو او معلوماتي ټکنالوجۍ وزارت مشرتابه او د قرغزستان د سیمه اییزې پراختیا وجهي صندوق شرکت ترمنځ ګډه ناسته وشوه

پیل کې د مخابراتو وزارت سرپرست ښاغلي مولوي نجیب الله حقاني میلمنو ته ښه راغلاست وویل او افغانستان کې د پانګونې...

پنجشنبه ۱۴۰۰/۱۲/۱۹ - ۱۱:۱۵
Background image

۱۴۰۰ هـ ش مالي کال کې د مخابراتو وزارت د پلان شويو فعالیتونو د پرمختګ سلنه

د مخابراتو او معلوماتي ټکنالوجۍ وزارت بنسټیزې او اصلي موخې د ډیجیټل حکومتولۍ چوکاټ جوړول، د پوسټي سکټور...

بېرته خبرونه ته