د پکتیا ولایت مخابراتو او معلوماتي ټکنالوجۍ ریاست کې ۱۵۰ تنه زده کوونکي د کمپیوټر په زده کړه بوخت دي

د پکتیا ولایت د مخابراتو او معلوماتي ټکنالوجۍ ریاست کې د ټکنالوجۍ د زده کړې او همدا راز د کمپیوټر یو شمېر مهمو پروګرامونو په برخه کې ۱۵۰ تنه زده کوونکي چې د ښوونځیو، اداراتو او دولتي پوهنتون محصلین هم پکې شامل دي په زده کړو بوخت دي.

یاد روزنیز کورس کې د مجربو ښوونکو له لوري د ټاکل شوي نصاب په اساس زده کوونکو ته د ۶ میاشتو په موده کې تدریس کېږي او تر دې دمه ګڼ شمېر زده کوونکي له یاد پروګرام څخه فارغ او زده کړې یې ترلاسه کړي دي.

د مخابراتو او معلوماتي ټکنالوجۍ وزارت اړوند ټولو ولایتونو کې د کمپیوټر ښوونیز مراکز فعال دي چې موخه یې د هېواد د ټکنالوجۍ په برخه کې د ظرفیتونو روزنه او همداراز اوسني عصر کې ټکنالوجۍ سره بلدتیا ده.