پکتیکا ولایت په مرکز او یو شمیر ولسوالیو کې د روشن مخابراتي شرکت ۱۵ میګاهرتز فریکونسۍ کې خپل خدمات پیل کړل
د مخابراتو او معلوماتي ټکنالوجۍ وزارت له لوري روشن مخابراتي شرکت ته د پرمختللي موبایل براډ بانډ خدمتونو وړاندې کولو په موخه د مزایدې په ترڅ کې په ۱۸۰۰ میګا هرتز بانډ کی ۵ میګاهرتز فریکونسي د ټاکل شوي قیمت په مقابل کې په اجاره ورکړل شوه.
مخابراتی شرکتونه د با کیفیته او موبایل څلورم نسل (۴جي) معیاري خدمتونو د وړاندې کولو لپاره د پرمختللي عریض بانډ د فریکونسۍ د غو بانډونوته اړتیالري.
تر دې وړاندې ټولو مخابراتي شرکتونو په لس میګاهرتز فریکونسۍ کې خپل خدمتونه وړاندې کول چی اوس مهال روشن مخابراتی شرکت د غوره مخابراتي خدمتونو وړاندې کولو په موخه د پکتیکا ولایت په مرکز ښرنې، ارګون، یوسف خیلو، زرغون ښار او سروبي ولسوالیو کې په پنځلس مګاهرتز فریکونسۍ کې خپل مخابراتي او انټرنیټي خدمتونه پیل کړل د نوموړي مخابراتي شرکت د فریکونسۍ ظرفیت لوړیدلو سره به د یادو سیمو اوسیدونکو مخابراتي او انترنټي ستونزې حل شي.
