پکتیا ولایت د مخابراتو او معلوماتي ټکنالوژۍ ریاست د دیجیتلي مهارتونو له مرکز څخه ۱۷۴ تنه فارغ شول

naweed_admin
شنبه ۱۴۰۵/۴/۲۰ - ۱۵:۵۸
مخابرات پکتیا

د پکتیا ولايت مخابراتو او معلوماتي ټکنالوژۍ رياست له لوري د کمپيوټري پروګرامونو (اساسات ،ام اس ورد، اکسل، اکسس، پاورپوینټ) او د انټرنیټ اساساتو په برخه کې، ۲۲ مې دورې له شپږ مياشتنيو زده کړو وروسته ۱۷۴ تنو زده کوونکونکوته د فراغت بري ليکونه وويشل شول.

د فراغت د مراسمو په ترڅ کې د پکتیا ولایت د مخابراتو او معلوماتي ټکنالوژۍ رییس محترم مولوي نصیرالله هجرت، د بیلابیلو ادارو کارکونکو ، زدکونکو ګډون درلود.

په یاده غونډه کې لومړی د پکتیا ولایت د مخابراتو او معلوماتي ټکنالوژۍ رییس محترم مولوي نصیرالله هجرت فارغ شویو ځوانانو ته د مبارکۍ ویلو ترڅنګ په اوسني عصر کې د معلوماتي ټکنالوژۍ په ارزښت او اړتیا خبرې وکړې او همداراز ځوانان یې و هڅول چې د موجوده فرصت څخه د معلوماتي ټکنالوژۍ په برخه کې خپلې پوهې د پراختیا لپاره پوره ګټه واخلي.

وروسته یو شمیر مسؤلو ګډونوالو په خپلو خبروکې د زدکونکو هڅې وستایلې او ټينګار یې وکړ چې د معلوماتي ټکنالوژۍ پرمختګ د هیواد د پرمختګ او د ځوانانو د کاري فرصتونو د زیاتولو لپاره حیاتي دی.

د مخابراتو او معلوماتي ټکنالوجۍ وزارت د اوسني عصر اړتیا او د ټکنالوژۍ ارزښت ته په کتو د هېواد په ټولو ولایتونو کې د کمپیوټر د زده کړې علمي مرکزونه جوړ او د ټکنالوجۍ په پرمختللو وسایلو سمبال کړي چې د مجربو ښوونکو له لوري هېوادوالو ته پکې په نظري او عملي ډول تدریس کېږي.

تازه خبرونه

پنجشنبه ۱۴۰۵/۸/۲۸ - ۱۳:۵۲
Background image

د نورستان ولایت منډول ولسوالۍ کې د سلام مخابراتي شبکې سایټ فعال او ګټې اخیستنې ته وسپارل شو

د هیواد محرومو سیموته د مخابراتي چوپړتیاو د پراختیا په موخه...

پنجشنبه ۱۴۰۵/۸/۲۸ - ۱۰:۲۲
Background image

پکتیکا ولایت کې د درې نویو مخابراتي سایټونو رغنیزې چارې پیل شوې

د یاد ولایت وړممی ولسوالۍ د دوچيني، وازيخوا ولسوالۍ مرجاني او د سروبي ولسوالۍ په مستوی سیمو کې د افغان بیسیم مخابراتي شرکت د ۳ سایټونو د جوړولو...

سه‌شنبه ۱۴۰۵/۸/۵ - ۱۶:۲۳
Background image

کانونو او پټرولیم وزارت کې د رسمي مکتوبونو او سندونو مدیریتي سیسټم د تطبیق لړۍ پیل شوه

په همدې موخه جوړې شوې غونډه کې د مخابراتو او معلوماتي ټکنالوژۍ وزارت مالي او اداري مرستیال ښاغلي الحاج حافظ محمد امین جان عمري د ډیجیټلي مکتوبونو او...

بېرته خبرونه ته