په بلخ کې د سلام شبکې رئیس ساتونکو له خوا د صدای افغان آوا خبريالانو د توهين په اړه د مخابراتو او معلوماتي ټکنالوجۍ وزیر سپارښتنه

Alireza Khaliqyar
سه‌شنبه ۱۳۹۸/۵/۱ - ۱۵:۱

https://mcit.gov.af/ps/%D9%BE%D9%87-%D8%A8%D9%84%D8%AE-%DA%A9%DB%90-%D8%AF-%D8%B3%D9%84%D8%A7%D9%85-%D8%B4%D8%A8%DA%A9%DB%90-%D8%B1%D8%A6%DB%8C%D8%B3-%D8%B3%D8%A7%D8%AA%D9%88%D9%86%DA%A9%D9%88-%D9%84%D9%87-%D8%AE%D9%88%D8%A7-%D8%AF-%D8%B5%D8%AF%D8%A7%DB%8C-%D8%A7%D9%81%D8%BA%D8%A7%D9%86-%D8%A2%D9%88%D8%A7-%D8%AE%D8%A8%D8%B1%D9%8A%D8%A7%D9%84%D8%A7%D9%86%D9%88-%D8%AF-%D8%AA%D9%88%D9%87%D9%8A%D9%86-%D9%BE%D9%87-%D8%A7%DA%93%D9%87-%D8%AF-%D9%85%D8%AE%D8%A7%D8%A8%D8%B1%D8%A7%D8%AA%D9%88-%D8%A7%D9%88

کابل- افغانستان( د مخابراتو او معلوماتي ټکنالوجۍ وزارت مطبوعاتي دفتر)
تأریخ: 1/ 5/ 1398

د مخابراتو او معلوماتي ټکنالوجۍ وزارت سرپرست محترم محمد فهیم هاشمي په بلخ کې د سلام شبکې د رئیس ساتونکو له خوا د صدای افغان آوا خبريال د توهين په اړه جدي توګه د افغان ټېلې کام شرکت مشرتابه ته سپارښتنه کړې چې دا دوسيه وڅېړي. 
د مخابراتو او معلوماتي ټکنالوجۍ وزیر همدا راز ټینګار وکړ چې د وزارت مشرتابه ته د خبريالانو پر وړاندې هېڅ ډول تاوتريخوالی او ناوړه چلند د منلو نه دی او همېش به دا ډول مواردو ته په چټکه توګه رسيدګي کېږي.

د مخابراتو او معلوماتي تکنالوجۍ وزیر وویل: ( د بلخ ولایت د سلام شبکې رئیس د ساتونکو له خوا د صدای افغان آوا خبريالې مېرمن رحيمه يزداني د توهین په اړه خبر شوم، ډېر خواشینی شوم. زما لپاره د منلو نه ده چې د مخابراتو او معلوماتي ټکنالوجۍ وزارت کارکوونکي او د وزارت اړوند هر کارکوونکی د خبريالانو سره تند چلند وکړي. له دې کبله مې د افغان ټېلې کام ریاست ته چې د وزارت تر چتر لاندې کار کوي، چټک هدایت ورکړی چې په دې برخه کې لازم ګامونه پورته کړي او نتيجه يې د وزارت د مشرتابه سره شریکه کړي.)

د خبريالانو څخه ملاتړ د مخابراتو او معلوماتي ټکنالوجۍ وزارت د کليدي لومړيتوبونو څخه یو دی او همېشه پر وخت اطلاع رسونې ته ژمن دی چې خبريالان په دې برخه کې د اطلاع رسونې مخکښان دي.