په انلاین توګه د پاسپورټ اخیستلو پروسه تر سره کړئ
Alireza Khaliqyar
سهشنبه ۱۳۹۷/۸/۱۵ - ۱۶:۲۱
سهشنبه ۱۳۹۷/۸/۱۵ - ۱۶:۲۱
آسان پاسپورټ په چټکه او آسانه توګه د عامه خدماتو د وړاندې کولو په بهیر کې يو نوښت دی چې د مخابراتو او معلوماتي ټکنالوجۍ وزارت د آسان خدمت ادارې د افغان متخصصينو له خوا رامنځته شوی او ډېر ژر به رسما افتتاح او د هېوادوالو د ګټې اخیستنې لپاره چمتو شي.
د آسان پاسپورټ سره په انلاين توګه د پاسپورټ اخیستلو ډیری پروسې ساده او په چټکه توګه تر سره کېږي او د وقت د ضايع کېدلو او په اوږدو قطارونو کې د درېدو مخه نیسي.
د مخابراتو او معلوماتي ټکنالوجۍ وزارت د عامه خدماتو پروسو د ساده کولو په موخه همدا شان د نورو ټولو دولتي ادارو سره همکاري کوي او د وزارت تخنيکي ټيمونه د اسانتياو رامنځته کولو او غوره خدماتو وړاندې کولو لپاره هڅې کوي، تر څو د نويو ټکنالوجيکي سيسټمونو او الکټرونيکي حکومتولۍ لپاره زیربناوې چمتو کړي.
