پنجشیر ولایت کې د ام ټي ان مخابراتي شرکت د فعالیتونو د څرنګوالي څخه څارنه وشوه
پنجشیر ولایت د مخابراتو او معلوماتي تکنالوجۍ ریاست ګډ مسلکي او تخنیکي ټیم له لوري دنوموړي ولایت په مرکز بازارک کې د ام ټي ان مخابراتي شرکت دپیرودونکو له نمايندګيو څخه د سیمکارتونو د خرڅلاو، ثبت او راجستریشن او د خلکو د ستونزو دحل په موخه څارنه ترسره شوه.
د څارنې په ترڅ کې مخابراتي شرکت ته لارښوونه وشوه چې د سیمکارتونو د پلور، ثبت او راجسټریشن پرمهال د مخابراتو او معلوماتي ټکنالوجۍ وزارت اټرا ادارې کړنلاره په بشپړه توګه پلې کړي او له مخې یې خپلې چارې سرته ورسوي، او خپلو پیرودونکوته لازمې آسانتیاوې برابرې کړي ترڅو د پیرودونکو د ستونزو دحل سبب وګرځي.
د یادونې وړ ده چې پنجشیر ولایت کې د ام ټي ان مخابراتي شرکت مسوولینو ژمنه وکړه چې د مخابراتو او معلوماتي ټکنالوجۍ وزارت اټرا ادارې کړنلاره به مراعت کړي او له مخې یې خپلې چارې تر سره کوي.
