واسطه لرونکي خلک به د رسنيو پر وړاندې افشا شي!
یکشنبه ۱۳۹۸/۴/۲۳ - ۱۶:۱۴
د مخابراتو او معلوماتي ټکنالوجۍ وزارت سرپرست محترم محمد فهيم هاشمي د سلام مخابراتي شرکت د مشتریانو د خدماتو مرکز له بېلابېلو څانګو څخه د لیدنې په ترڅ کې ددغه شرکت کارکوونکو ته لارښوونه وکړه چې خلکو ته د خدماتو وړاندې کولو په برخه کې باید متعهد و اوسي.
نوموړي همدا راز زیاته کړه چې د مخابراتو او معلوماتي ټکنالوجۍ وزارت مشرتابه د کارکوونکو د صادقانه کار ملاتړ کوي، د هیڅ شخص حق باید ضایع نه شي او په کاري وخت کې دې په جدي توګه عدالت پلی شي.
ښاغلي هاشمي زیاته کړه چې د مکافات او مجازات سیستم به په جدي توګه عملي کېږي او هر شخص چې واسطه وکړه د رسنيو پر وړاندې به د خلکو سره شريکېږي.
په پای کې ښاغلي هاشمي د سلام مخابراتي شرکت د پراختيا او ودې په موخه ژمنه وکړه، ددغه شرکت د مسؤولينو له هڅو او کارونو يې مننه او د شرکت د پرمختګ لپاره يې د ګټورو ګامونو اخیستلو په موخه له ټولو د همکارۍ غوښتنه وکړه.
