هرات ولایت ګذرې ولسوالۍ کې د سلام مخابراتي شبکې یو سایټ جوړ او ګټې اخیستنې ته وسپارل شو
د هرات ولایت د مخابراتو او معلوماتي ټکنالوجۍ ریاست او د مخابراتي خدمتونو د تنظیم (اترا) ادارې په مرسته دهرات ولایت ګذرې ولسوالۍ په پهره کلي کې د سلام مخابراتي شبکې یوسایټ چې د ټي ډي اف لسمې پروژې په مرسته چې په ۲جي او ۳جي ټکنالوجۍ سمبال دی فعال او ګټې اخیستنې ته وسپارل شو.
د افغان ټلیکام مخابراتي شرکت د سلام شبکې مخابراتي او انټرنټي خدمتونو په فعالیدو سره به د یادې سیمې اوسېدونکي وکولای شي لوړ کیفیت او چټک انټرنېټي خدمتونو ته لاسرسی ولري او خپلې مخابراتي ستونزې هوارې کړي.
دیادونی وړده چی دغه مخابراتي سایټ په فعالیدو سره پهره کلی او نږدې شا و خوا سیمې تر مخابراتي پوښښ لاندی راغلي دي.
