هرات ولایت کې مخابراتي فریکونسیو کې د مداخلې یوشمیر دستګاو فعالیتونه ودرول شول
د مخابراتو او معلوماتي ټکنالوجۍ وزارت د لارښوونې پر بنسټ، د مخابراتي خدمتونو د تنظیم ادارې (اټرا) د قانون له مخې، مخابراتي مکالمو او فریکونسیو کې د ګډوډۍ د مخنیوي په موخه د هرات ولایت په یو شمیر مرکزي سیمو کي د مخابراتي شرکتونو سایټونو ته څېرمه مخابراتي سیګنالونو کې د مداخلې یا ریپیټر دیوشمیر دستګاوو فعالیتونه د هرات ولایت د مخابراتو او معلوماتي ټکنالوجۍ ریاست له لوري د آترا ادارې او د یادو مخابراتي شرکتونو د مسلکي انجینرانو په همکارۍ ودرول شول.
د يادونې وړ ده، چې د هرات ولايت اوسېدونکو د مخابراتو او معلوماتي ټکنالوجۍ وزارت د دغه اقدام ستاينه وکړه او د یاد ولايت د مخابراتو او معلوماتي ټکنالوجۍ رياست له هڅو يې خوښي څرګنده کړه.
