هرات ولایت کې دافغان بیسیم مخابراتي شرکت ۹ نويو مخابراتي سایټونو په فعالیت پیل وکړ
د مخابراتو او معلوماتي ټکنالوجۍ وزارت په لارښوونه د هرات ولایت مزکز او یوشمیر ولسوالیوکې دافغان بیسیم مخابراتي شرکت ۹ نوي سایټونه د یاد ولایت د مخابراتو او معلوماتي تکنالوجۍ ریاست، اترا ادارې آمریت د ګډو هڅو په ترڅ کې اود مخابراتو او معلوماتي ټکنالوجۍ وزارت د پلان له مخې چې د سروې چارې یي پخوا بشپړې شوې وې،چې له ډلې څخه یې ۷ سایټونه دیاد ولایت په مرکز او ۲ سایټونه د نوموړي ولایت ولسوالیو کې په فعالیت پیل وکړ او ګټې اخیستنې ته وسپارل شول.
د یادو سایټونو په فعالېدو سره د سیمې اوسېدونکو خوښي څرګنده او د مخابراتي پوښښ په برخه کې یې د مخابراتو او معلوماتي ټکنالوجۍ وزارت هڅې وستایلې.
د یادونې وړ ده چې د مخابراتو او معلوماتي ټکنالوجۍ وزارت تېرو ۳ کلونو کې توانېدلی د هېواد ډېری محرومې سیمې له مخابراتي آسانتیاو برخمنې کړي او همدا راز د هېواد هغو سیمو لپاره چې هیڅ راز مخابراتي آسانتیاوې پکې نه وې موجودې ۵۵۰ مخابراتي سایټونه په نظر کې ونیول چې اوس مهال په یادو ټولو مخابراتي سایټونو عملاً کار روان دی او یو شمېر یې ګټې اخیستنې ته هم سپارل شوي.
