میدان وردګو ولایت سید آباد ولسوالۍ کې د افغان بیسیم مخابراتي شرکت د یوه سایټ انټرنېټي خدمتونو ظرفیت لوړ شو
د مخابراتو او معلوماتي ټکنالوجۍ وزارت د لارښوونې پر اساس، د میدان وردګو ولایت د مخابراتو او معلوماتي ټکنالوجۍ ریاست او د افغان بیسیم مخابراتي شرکت په ګډو هڅو د یاد ولایت د سید آباد ولسوالۍ په مهرو سیمه کې د افغان بیسیم مخابراتي شرکت یوه مخابراتی سایټ چې په روان کال کې په فعالیت پیل کړی وو او ۲جي انټرنېټي خدمتونه یې وړاندې کول ظرفیت یې ۴جي ته لوړ او ګټې اخیستنې ته وسپارل شو.
د نوموړي مخابراتي شرکت د انټرنېټي ۴جي خدمتونو په فعالیدو سره به د میدان وردګو ولایت د سیدآباد ولسوالۍ مهرو سیمې اوسېدونکي وکولای شي لوړ کیفیت او چټک انټرنېټي خدمتونو ته لاسرسی ولري او خپلې مخابراتي او انټرنېټي ستونزې هوارې کړي.
د یادونې وړ ده چې د یادې سیمې اوسېدونکو د مخابراتو او معلوماتي ټکنالوجۍ وزارت د دغه نیک اقدام ستاینه وکړه او د نوموړي ولایت د مخابراتو او معلوماتي ټکنالوجۍ ریاست، له هڅو یې خوښي څرګنده کړه.
